ABŞ ordusu Rusiya və Çinlə potensial müharibəni nəzərə
alaraq əməliyyatların yeni qaydalarının hazırlanması üzərində iş
aparır.
Publika.az xəbər verir ki, bu barədə Küveyt mediası hərbi
mənbələrə istinadən yazıb.
Məlumata görə, ilk növbədə raketdən müdafiə sistemlərinin
yenilənməsi ehtimal olunur. Yeni qaydalar həmçinin, İŞİD-lə
mübarizədə kömək edəcək.
Bu qaydaların 2017-ci ilin payızında tam hazır olacağı deyilir.
Yeni proqramda əsas vurğu Rusiya və Çinlə mübarizənin
üzərindədir.
“Birləşmiş Ştatlar Rusiya və Çinə qarşı hazır vəziyyətdə olmalı,
döyüş təyyarələri və hava hücumundan müdafiə sistemlərini
yeniləməlidir. Bu ölkələr (Rusiyan və Çin) öz hərbi arsenallarında
gəmi əleyhinə yüksək dəqiqliyə malik uzaqvuran raketlərə
malikdirlər və bu raketlər asanlıqla ABŞ-ın təyyarədaşıyan
gəmilərini məhv edəcək”, - sənəddə bildirilir.
Hərbi ekspert Viktor Eyzen hesab edir ki, ABŞ-ın Şimali Koreyaya
müdaxiləsi nəticəsində yarana biləcək bütün təhdidlər diqqətdə
saxlanılmalıdır.
O, bu təhlükənin ABŞ-Rusiya, ABŞ-Çin müharibəsinə səbəb ola
biləcəyini düşünür.
Qeyd edək ki, daha əvvəl Nyu-Yorkda Önləyici Hərəkətlər üzrə
Mərkəzin mütəxəssisləri 2017-ci ildə Amerika üçün təhdid olan
ölkələrin siyahısını dərc etmişdi. Bu siyahıda ilk yeri Rusiya
tuturdu.
Asif