Bakı-2017 IV İslam Həmrəyliyi Oyunlarında futbol yarışlarının qrup mərhələsinin oyunları davam edir.
Milli.Az Trend-ə istinadən, II turda B qrupunda yer alan Oman və Türkiyə komandaları qarşılaşıblar. Gərgin və qarşılıqlı hücumlar şəraitində keçən oyun Oman futbolçularının qələbəsi ilə başa çatıb - 3:2.
Xatırladaq ki, birinci turda Oman Fələstinlə 2:2 hesablı bərabərə qalmış, Türkiyə yığması isə Əlcəzairə 1:2 hesabı ilə məğlub olmuşdu.
Qeyd edək ki, açılış günü mayın 12-də baş tutacaq Bakı-2017 İslam Həmrəyliyi Oyunları mayın 22-dək Azərbaycan paytaxtında 16 yarış obyektində 17 Olimpiya və 3 qeyri-olimpiya növü olmaqla, 20 idman növü üzrə keçiriləcək.
Milli.Az
Digər maraqlı xəbərlər Milli.Az-ın Facebook səhifəsində
