Proqnoz: Azərbaycan iqtisadiyyatı 2019-cu ildə 1,3% artacaq

Proqnoz: Azərbaycan iqtisadiyyatı 2019-cu ildə 1,3% artacaq
13:47 11 May 2017
Ölkə mətbuatı
A- A+

Bakı. 11 may. REPORT.AZ/ Dünya Bankı (WB) bu il Avropa və Mərkəzi Asiya regionunda iqtisadi artımın 1,9% olacağını proqnozlaşdırır. 
"Report"un məlumatına görə, bu, Bankın ötən ilin oktyabr ayında verdiyi proqnozdan 0,3 faiz bəndi çoxdur. 
WB-nin gələn il üçün regional iqtisadi artım proqnozu isə 1,8%-dir. Qeyd edək ki, Bank bu il Azərbaycanda ümumi daxili məhsulun (ÜDM) 1,4% azalacağını, gələn il 0,6%, 2019-cu ildə isə 1,3% artacağını proqnozlaşdırır. 
"Bu il kənd təsərrüfatının ÜDM-də payı 3,4 faiz, 2018-ci ildə faiz, 2019-cu ildə isə 4,5 faiz bəndi artacaq. Sənayenin ÜDM-də payı bu il 2,9 faiz, gələn il 0,8 faiz bəndi azalacaq, 2019-cu ildə isə 0,3 faiz bəndi artacaq", - deyə sənəddə qeyd olunub.
Bununla yanaşı bildirilir ki, 2017-ci il üçün xidmət sahəsinin ÜDM-də payının 0,8 faiz bəndi azalacağı, 2018-ci ildə 1,8 faiz bəndi, 2019-cu ildə isə 2 faiz bəndi artacağı gözlənilir.
Hesabata görə, Azərbaycanda bu il büdcə kəsirinin ÜDM-ə nisbətən 6% olacağı gözlənilir: "Bu rəqəm 2018-ci ildə 8,3%, 2019-cu ildə isə 7,7% olacaq".

Xəbərin orijinal ünvanı: https://report.az/maliyye/proqnoz-azerbaycan-iqtisadiyyati-2019-cu-ilde-1-3-artacaq

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR