Bakı-2017 IV İslam Həmrəyliyi Oyunlarında kiçilər arasında həndbol yarışının qrup mərhələsinin son oyunları keçirilir.
Metbuat.az-ın məlumatına görə, A qrupunda Səudiyyə Ərəbistanı Pakistanla qarşılaşıb. Bundan əvvəl Əlcəzair və Azərbaycan yığmalarına qalib gələn (26:13, 38:31) səudiyyəli həndbolçular bu dəfə də rəqiblərindən üstün olublar - 35:26.
Hər üç oyunda qələbə qazanan Səudiyyə Ərəbistanı komandası qrup birincisi kimi yarımfinala vəsiqə qazanıb.
Qeyd edək ki, qrupun son oyunu Azərbaycan və Əlcəzair yığmaları arasında keçiriləcək.
Sərdar Məmmədov/Metbuat.az
