ABŞ Mərkəzi Kəşfiyyat İdarəsi (CİA) Şimali Koreyadan gələ biləcək təhklükələri aradan qaldırmaq məqsədilə “Şimali Koreya fəaliyyət mərkəzi” quracaq.
Metbuat.az xəbər verir ki, mərkəz təhlükənin qarşısını almaq məqsədilə lazımi avadanlıqlarla təmin ediləcək. CİA direktoru Mayk Pompeo bu barədə açıqlama da verib:
“Yeni mərkəzin fəaliyyətə başlaması ilə Şimali Koreya təhdidinə qarşı təşkilatda çalışan bütün mütəxəssislər mərkəzdə əlaqəli şəkildə fəaliyyət göstərə biləcək. Mərkəzin fəaliyyəti haqda hər gün prezidentə iki məruzə ediləcək. Bu sahədə Cənubi Koreya mütəxəssisləri ilə əlaqəli şəkildə əməkdaşlıq edəcəyik”.
Aytən Novruzova / Metbuat.az
