Dörd il sonra Rusiya xarici işlər naziri Sergey Lavrov
ABŞ-a səfər etdi. Səfərin əsas məqsədi Rusiya, Türkiyə və İran
arasında Suriyada “döyüş olmayan bölgələr”lə bağlı razılığın ABŞ-da
müzakirəsi idi. Lakin Lavrovun səfərindən bir gün öncə Trampın
Rusiyanın ABŞ-da prezident seçkilərinə ehtimal olunan müdaxiləsi
ilə bağlı tədqiqata rəhbərlik edən FTB direktoru Ceyms Komini
vəzifəsindən kənarlaşdırması diqqət çəkdi. Amerika torpaqlarına
ayaq basan kimi Lavrov jurnalistlərə Rusiyanın seçkiyə müdaxiləsi
haqda ittihamlarla bağlı şikayətləndi.
“Rusiyanın ABŞ-ın daxili siyasətinə rəhbərlik etməsi ilə bağlı
deyilənlər sadə Amerika xalqı üçün alçaldıcıdır. Hesab edirəm ki,
bu ittihamlar ABŞ-ın siyasi sisteminə böyük zərbə vurur”, - deyə o
bildirdi.
Lakin Ağ Evin Oval kabinetində keçirilən görüşlə bağlı bəzi
müəmmalar da müzakirələrə səbəb olub.
Publika.az xəbər verir ki, ABŞ mediası Oval
kabinetdə keçirilən görüşün şübhəli məqamlarını dərc edib.
“Washington Post” qəzeti yazır ki, görüşdə Tramp, Lavrov və
Rusiyanın ABŞ-dakı səfiri Serqey Kislyak iştirak edirdi: “TASS-ın
ABŞ-dakı müxbiri isə Ağ Evdə Lavrovun rəsmi fotoqrafı kimi təqdim
edildi və görüşə yalnız onu buraxdılar. Rusların fotoqrafı görüşə
tək dəvət olunmuşdu, Amerika jurnalistləri isə içəri
buraxılmadı”.
“Financial Times” yazır ki, görüşə buraxılmayan amerikalı
jurnalistlər bununla bağlı izahat tələb edirlər.
“New York Times” isə qeyd edir ki, görüşdə Trampın da fotoqrafı
qatılıb.
“Lakin fotoları sonda ruslar yaydı, Ağ Ev isə heç bir foto
yaymadı”, - deyə qəzet diqqətə çatdırıb.
Gözlənilməz sürpriz
Digər maraqlı məqam isə Lavrovla görüşdən öncə Trampın Oval
kabinetdə keçmiş dövlət katibi. AB, siyasətinin patriarxı hesab
olunan Henri Kissinceri qəbul etməsi idi. Halbuki, jurnalistlər
Oval kabinetdə Tramp-Lavrov görüşünün başladığını düşünərək, ora
doğru qaçırlar və birdən onlar 93 yaşlı Kisincerlə
qarşılaşırlar.
Tramp izah etdi ki, o, Kissincerlə Suriya məsələsi də daxil olmaqla
Rusiya ilə münasibətləri müzakirə edirdi.
Asif
