Qızartmalarda, makaron, spagetti və başqa yeməklərin yanında ketçupun öz ləzzəti var. Amma nə qədər ləzzətli olsa da, ziyanl; olduğunu da bilirik. Bəs ketçupu evdə təbii üsullarla hazırlamaq fikrinə necə baxırsınız?
Milli.Az lent.az-a istinadən evdə ketçup hazırlamağın qaydasını təqdim edir.
Lazım olan ərzaqlar:
2 baş soğan
2 diş sarımsaq
2 şorba qaşığı zeytun yağı
4 ədəd pomidor
Yarım şorba qaşığı bibər tomatı
3 şorba qaşığı sirkə
1 yemək qaşığı şəkər tozu
Dilədiyiniz miqdarda dəniz duzu
Hazırlanma qaydası:
Əvvəlcə soğan və sarımsaqları soyun və blendrdan keçirin. Daha sonra soğan və sarımsağın üzərinə bir şorba qaşığı şəkər tozu töküb qazanda rəngi tündləşənə qədər pörtlədin. Pomidorların qabıqlarını soyduqdan sonra doğrayıb robotdan keçirin. Qazana əlavə edib tomatı da tökün və qarışdıraraq qovurun. Sirkə, zeytun yağı və duzu da əlavə edərək, 40 dəqiqə bişirin. Qarışım soyuduqdan sonra şüşə qablara yığıb istifadə edə bilərsiniz.
Nuş olsun!
Milli.Az
Digər maraqlı xəbərlər Milli.Az-ın Facebook səhifəsində
