"Bakı-2017" IV İslam Həmrəyliyi Oyunlarının həndbol yarışlarının qrup mərhələsinin sonuncu günündə - mayın 11-də günə Azərbaycanın və Əlcəzairin kişi həndbolçuları arasında qarşılaşma ilə yekun vurulub.
Milli.Az AZƏRTAC-a istinadən bildirir ki, "A" qrupunda yer alan komandaların yarımfinal uğrunda görüşləri maraqlı idman mübarizəsi ilə yadda qalıb. Matçın ilk hissəsini 15:11 hesabı ilə Əlcəzair millisi öz xeyrinə tamamlayıb. Görüşün ikinci hissəsində də Əlcəzair yığması üstün olub - 20:11. Beləliklə, ümumi nəticədə 35:22 hesabı ilə qalib gələn Əlcəzair kollektivi yarımfinala sonuncu vəsiqənin sahibi olub.
Matçın ikinci hissəsinin 13-cü dəqiqəsində komandamızın qapıçısı Elnur Cahangirov qayda pozuntusuna görə oyundan kənarlaşdırılıb.
Qarşılaşmanı fransalı hakimlər briqadası idarə edib.
Milli.Az
Digər maraqlı xəbərlər Milli.Az-ın Facebook səhifəsində