Futbol üzrə Avropa Liqasında finalçılar müəyyənləşib.
"Report"un məlumatına görə, həlledici görüşə vəsiqə qazanacaq komandalar İngiltərə və Fransada keçiriləcək yarımfinal mərhələsinin cavab oyunlarından sonra bəlli olub.
"Mançester Yunayted" İspaniyada yendiyi "Selta" ilə ev oyununda heç-heçə edib. "Lion" isə Hollandiyada 1:4 hesabı ilə uduzduğu "Ayaks"dan əvəz çıxmağa çox yaxın olub. Lakin oyunu ən azı uzatma dəqiqələrinə aparmağa 1 qol çatmayıb. Beləliklə, mayın 24-də İsveçin paytaxtı Stokholmdakı "Friends Arena"da keçiriləcək final matçında "Mançester Yunayted"lə "Ayaks" üz-üzə gələcək.
Qeyd edək ki, "Ayaks" 21 ildən sonra avrokubokların həlledici qarşılaşmasında oynayacaq.
Avropa Liqası
Yarımfinal mərhələsi, cavab oyunları
11 may
23:05. "Mançester Yunayted” (İngiltərə) – "Selta” (İspaniya) - 1:1
Qollar: Maruan Fellaini, 17 - Fakundo Renkaqlia, 85
Qırmızı vərəqələr: Erik Bertrand Beylli, 88 - Fakundo Renkaqlia, 89
Baş hakim: Ovidiu Hatseqan (Rumıniya)
İlk oyun – 1:0
23:05. "Lion” (Fransa) – "Ayaks” (Hollandiya) - 3:1
Qollar: Aleksandr Lyakazett, 45; 45+1. Raşid Gezzal, 81 - Kasper Dolberq, 27
Qırmızı vərəqə: Nik Viergever, 84 ("Ayaks")
Baş hakim: Şimon Martsinyak (Polşa)
İlk oyun – 1:4