Bakı. Ənvər Məmmədov - Trend:
Bu gün Bakıda IV İslam Həmrəyliyi Oyunları çərçivəsində 7-ci yer uğrunda həndbol yarışlarında Pakistan 7-ci yeri tutub.
Görüşdə Pakistan İordaniyanı 33:31 hesablı qələbə ilə geridə qoyub, İordaniya 8-ci yeri tutub.
Qeyd edək ki, bu gün Azərbaycanın kişilərdən ibarət həndbol yığması Mərakeş yığması ilə 5-ci yer uğrunda görüşəcək.
Qeyd edək ki, açılış günü mayın 12-də baş tutacaq Bakı-2017 İslam Həmrəyliyi Oyunları mayın 22-dək Azərbaycan paytaxtında 16 yarış obyektində 17 Olimpiya və 3 qeyri-olimpiya növü olmaqla, 20 idman növü üzrə keçiriləcək.
