Xəbər verdiyimiz kimi, Xalq artisti İlhamə Quliyevanın oğlu Orxan Nadirov haqqında onun dostu Vüqar Bəkirov qalmaqallı açıqlamalar verib.
Sözügedən şəxs bildirmişdi ki, Orxanın ona külli miqdarda pul borclu var. Ona qarşı təhdidlər edildiyini dilə gətirərək, buna görə özünü yandıracağını deyib. Vüqar, Orxanın dostunun Xalq artisti İlhamə Quliyevanı öldürmək istədiyini də söyləyib. Onun bu sözləri isə gündəmi zəbt edib.
Orxan Nadirov Metbuat.az-a açıqlamasında deyilənlərə münasibət bildirib:
"Dünən hər kəs bu xəbərdən danışırdı. Mənə jurnalistlər və yaxın dostlarım xeyli zəng vurdular. Lakin vəkilsiz danışmaq istəmirəm. Hər şeyi sənədlər və faktlarla vəkilimə təhvil vermişəm. Birinci gün bu haqda ətraflı məlumat alacaqsınız. Dostumun anamı öldürməsi ilə bağlı xəbərlər əsassızdır. Ümumiyyətlə, boş-boş danışıb. Hər şey aydınlığa qovuşacaq"
Rəvan Nasiroğlu / Metbuat.az
