2018-ci ildə prezident səlahiyyətlərini təhvil verəcək
Serj Sarkisyanın Milli Təhlükəsizlik Şurasının rəisi vəzifəsinə
keçəcəyi haqda informasiya yayılıb.
Publika.az xəbər verir ki, bu haqda Ermənistanın “İrates”
qəzeti yazıb.
Qəzet qeyd edib ki, Sarkisyan bununla ölkənin idarəçiliyində öz
təsirlərini saxlayacaq.
Qəzetin məlumatına görə, Sarkisyan özü üçün bu postu hələ 2016-cı
ildə hazırlamağa başlayıb. 2016-cı ilin avqustunda Sarkisyan Milli
Təhlükəsizlik Şurasının katibliyinin yaradılması ilə bağlı fərman
imzalayıb. Fərmana əsasən, şura parlament respublikası
üsul-idarəsinə keçiddən sonra, konstitusiya orqanı statusu alır və
ölkədə qərarların qəbul edilməsində yaxından iştirak edir. Daha
sonra o, şuranın aparatının buraxılması ilə bağlı sərəncam
imzaladı.
Qəzet əlavə edib ki, Sarkisyanın təşəbbüsü ilə irəli sürülən
“millət-ordu” ideyası da Milli Təhlükəsizlik Şurasının əlində
hakimiyyətin əsas güclərini cəlməşdirməyə və bütün sferalarda
siyasəti müəyyən etməyə icazə verəcək.
Qəzet bu şuranın ölkənin idarəçiliyində böyük səlahiyyətlər əldə
etməsinin Ermənistanın daxili siyasətində ciddi qarşıdurmalara
səbəb olacağını da yazıb.
Asif
