Xalq artisti, sevilən aktrisa Amaliya Pənahova son illər haqqında gəzən şayiələrə aydınlıq gətirib. O, həmkarları ilə onun arasını vurmaq istəyənlərə sərt xəbərdarlıq edib:
"Bəzən yerli mətbuatda özüm haqqında elə sözlər oxuyuram ki, təəccüblənirəm. Dediyim bir sözü böyük qlobal problemə çevirib, təqdim edirlər. Bir dəfə də məni Flora xanımla üz-üzə qoymuşdular. Bundan heç xəbərim yox idi, tanışlarım zəng edəndə bildim ki, məsələ nə yerdədir. Halbuki, Flora xanımla elə həmin günü tədbirlərin birində öpüşüb-görüşmüşdük. Nəinki Flora xanımla, bütün sənət yoldaşlarımla münasibətim yaxşıdır. Nəyə lazımdır axı bu söz-söhbətlər? Ona görə də son illər bütün jurnalistlərdən qaçıram və müsahibə verməkdən imtina edirəm".
Əli Rəhimoğlu
Milli.Az
