“ABŞ Qarabağ münaqişəsinin sülh yolu ilə həllinin
tapılması üçün tərəflərə kömək edir”.
Publika.az xəbər verir ki, bu barədə ATƏT-in Minsk
qrupunun amerikalı həmsədri Riçard Hoqland deyib.
Onun sözlərinə görə, bu gün danışıqlar masasında böhran
vəziyyətindən çıxış yollarını nəzərdə tutan baza təklifləri və
sənədlər var və heç kim bundan imtina etməməlidir.
“Məsələ ondadır ki, münaqişə tərəfləri hər iki xalqa sabitliyi
gətirəcək sülh üçün siyasi iradəni tapmalıdır. Problem ondadır ki,
bu gün erməni və azərbaycanlı gənclər bir-biri ilə ünsiyyət
saxlamır, qarşılıqlı etibar yoxdur. Hərçənd köhnə nəsil yaxşı
xatırlayır ki, iki xalqın nümayəndələri tamamilə sakit şəkildə bir
yerdə yaşayırdı”, - deyə o bildirib.
Amerikalı həmsədr qeyd edib ki, Minsk qrupu üç baza prinsipinə
əsaslanır: “Gücün tətbiq edilməməsi, ərazi bütövlüyü və öz
müqəddəratını təyin etmə. Biz təslim olmuruq, tərəflər təslim
olmur, ümumiyyətlə heç kim təslim olmur. Hamı sülh yolları
axtarır”.
Hoqland münaqişənin həlli məsələsində optimist olduğunu
vurğulayıb.
Asif
