İslamiada: Karate üzrə Azərbaycan milli komandasının heyəti açıqlanıb

İslamiada: Karate üzrə Azərbaycan milli komandasının heyəti açıqlanıb
16:37 12 May 2017
106 Digər
Ölkə mətbuatı
A- A+

Bakı. 12 may. REPORT.AZ/ “Bakı 2017” IV İslam Həmrəyliyi Oyunlarında iştirak edəcək karate üzrə Azərbaycan milli komandasının heyəti açıqlanıb.
“Report”un Milli Karate Federasiyasının rəsmi saytına istinadən verdiyi məlumata görə, Azərbaycan idmançıları İslamiadada baş məşqçi əvəzi Rəhman Hətəmov, böyük məşqçilər Şahin Xudaverdiyev, Seymur Hüseynov və Rəşad Hüseynov rəhbərliyi altında çıxış edəcəklər.
Kumite yarışlarında ümumilikdə 10 karateçi mükafatçılar sırasına düşməyə çalışacaq. Kişilərin mübarizəsinə kişilərdən Firdovsi Fərzəliyev (60 kq), Niyazi Əliyev (67 kq), Rafael Ağayev (75 kq), Ayxan Mamayev (84) və Asiman Qurbanlı (+84), qadınlardan Nuranə Əliyeva (50 kq), İlahə Qasımova (55 kq), Fəridə Abiyeva (61 kq), İrina Zaretska (68) və Fəridə Əliyeva (+68) qatılacaq. Kata yarışlarında isə Azərbaycanı Roman Heydərov və Neda Rezai təmsil edəcək.
İslamiadada Azərbaycanın 3 beynəlxalq dərəcəli hakimi - Cahangir Babayev, Yusif Məmmədov və Vüqar Kərimov iş başında olacaq. 
Qeyd edək ki, karate yarışları 13-14 martda keçiriləcək. İlk yarış günündə Firdovsi Fərzəliyev, Niyazi Əliyev, Rafael Ağayev, Nuranə Əliyeva, İlahə Qasımova və Fəridə Abiyeva çıxış edəcəklər. 

Xəbərin orijinal ünvanı: https://report.az/i̇slamiada-2017/i-slamiada-karate-uzre-azerbaycan-milli-komandasinin-heyeti-aciqlanib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR