Bakı. Trend:
Bakıda keçirilən İslam Həmrəyliyi Oyunlarının açılışı münasibətilə Praqada tədbir təşkil olunub.
Azərbaycanın Çexiyadakı səfirliyindən Trend-ə verilən məlumata görə, İslam Əməkdaşlıq Təşkilatı Praqa Qrupunda təmsil olunan səfirlərin iştirakı ilə keçirilən tədbirdə Azərbaycanın Çexiyadakı səfiri, İslam Əməkdaşlıq Təşkilatı Praqa Qrupuna 2017-ci ildə sədrlik edən Fərid Şəfiyev çıxış edib.
F.Şəfiyev Bakıda keçirilən İslam Həmrəyliyi Oyunlarının əhəmiyyətini qeyd edib və ölkəmizin İslam dəyərlərinin yayılması istiqamətində atdığı addımlar barədə söhbət açıb.