"Yaxın bir-iki ay ərzində AMEA-da mənzil bölgüsü olacaq”

"Yaxın bir-iki ay ərzində AMEA-da mənzil bölgüsü olacaq”
19:05 12 May 2017
86 Ölkə
Ölkə mətbuatı
A- A+

"Gənc alimlərin sosial problemlərinin həlli istiqamətində bir neçə addım atılır. Üç il ərzində Yasamalda yerləşən AMEA-nın yataqxanasında tikinti şirkəti tərəfindən birbloklu 16 mərtəbəli mənzil tikilib. Yaxın bir-iki ay ərzində Elmlər Akademiyasında mənzillərin bölgüsü aparılacaq".

Milli.Az report-a istinadən xəbər verir ki, bunu Azərbaycan Milli Elmlər Akademiyasının (AMEA) prezidenti Akif Əlizadə "ASAN radio"nun "QəbuldASAN" verilişində deyib.

O bildirib ki, AMEA-da mənzilə çox böyük ehtiyacı olan alimlər, xüsusilə də gənc alimlər var və onlar yaşayış şəraitlərini yaxşılaşdıracaqlar: "Eyni zamanda, akademiyanın bir neçə yerdə özünün torpaq sahəsi var. İndi dövlət qurumları ilə bu istiqamətdə danışıqlar aparırıq ki, Bakı ətrafında olan sahələrdə özümüz şirkətlərin vasitəsilə, onların maliyyə dəstəyi ilə AMEA üçün ev tikintisi üçün işlər aparaq. Başqa sosial problemlərin həllinə yönəlmiş bəzi tədbirlərimiz də var. Yaşa dolmuş alimlərin yay istirahətini təşkil etmək üçün ölkə daxilində, Abşeronda şərait yaradılmasını düşünürük". 
 
Milli.Az 

Digər maraqlı xəbərlər Milli.Az-ın Facebook səhifəsində


Xəbərin orijinal ünvanı: http://news.milli.az/country/544201.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR