Bakıda İslam Oyunlarının açılış mərasimi fikrimcə çox gözəl və yaddaqalan olacaq.
Milli.Az bildirir ki, bunu Trend-ə qazaxıstanlı turist Albina Tuqanova deyib.
O, Bakıya ikinci dəfə gəldiyini deyib: "Burada İslam Oyunlarının keçiriləcəyini təsadüfən öyrəndik. Bilet almağı və açılış mərasiminə baxmağı qərara aldıq. Fikrimcə, çox maraqlı tamaşa olacaq".
Tamaşaçının sözlərinə görə, tədbir yüksək səviyyədə təşkil olunub. O həmçinin qeyd edib ki, bu oyunlar bir çox ölkəni birləşdirib və xalqların dostluğunun təzahürüdür.
Qeyd edək ki, bu gün açılışı olacaq Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.
Milli.Az
