"Əgər sabah qələbə qazansam, bu, İslam Həmrəyliyi Oyunlarında ikinci qızıl medalım olacaq".
Milli.Az Trend-ə istinadən xəbər verir ki, bunu jurnalistlərə azərbaycanlı karateçi Ayxan Mamayev deyib.
A.Mamayev 2013-cü ildə İslam Həmrəyliyi Oyunlarında qızıl medala sahib olduğunu xatırladıb.
Əsas rəqiblərə gəlincə, karateçimiz bildirib ki, hər bir idmançı sabah öz döyüşü ilə təəccübləndirə bilər: "Bununla belə, fikrimcə, iranlı, misirli və türk idmançılar çox güclüdürlər. Xoşbəxtlikdən onlar ayrı qrupa düşüblər və işim asanlaşıb".
A.Mamayev qeyd edib ki, sabah əlcəzairli idmançı ilə qarşılaşa bilər:
"Ötən görüşün revanşını almaq üçün onunla döyüşmək istərdim".
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.
Milli.Az
Digər maraqlı xəbərlər Milli.Az-ın Facebook səhifəsində
