Bakı. Trend:
Azərbaycan millisinin daha bir boksçusu IV İslam Həmrəyliyi Oyunlarında mübarizəyə qoşulub. 75 kq çəki dərəcəsində rinqə çıxan Kamran Şahsuvarlı yarışa 1/8 finaldan başlayıb.
Azərbaycan Boks Federasiyasından Trend-ə verilən məlumata görə, o, ilk döyüşündə Qayana boksçusu Desmond Amsterdamla qarşılaşıb. Rio-2016-nın bürünc medalçısı rəqibini 5:0 hesabı ilə məğlub edərək, mərhələ adlayıb.
K.Şahsuvarlı 1/4 finalda türkiyəli İhsan Ərdoğanla qarşılaşacaq. Görüş mayın 16-da baş tutacaq.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.