Azərbaycanın karate üzrə milli komandası IV İslam Həmrəyliyi Oyunlarında 5 medal uğrunda mübarizə aparacaq.
Milli.Az Trend-ə istinadən bildirir ki, 55 kiloqramadək çəki dərəcəsində İlahə Qasımova finalda misirli idmançı Yassmin Attiya ilə yarışacaq. 61 kq-dək çəki dərəcəsində finalda Fəridə Abiyevanın rəqibi iranlı Rozita Əlipurkeşkaalesaad olacaq.
50 kq-dək çəki dərəcəsində yarımfinalda məğlub olmuş Nuranə Əliyeva bürünc medal uğrunda indoneziyalı Srunita Sukatendellə qarşılaşacaq.
Kişilər arasında qızıl medal uğrunda görüşə Rafael Ağayev çıxacaq. 75 kq-dək çəki dərəcəsində onun rəqibi pakistanlı Qulam Sədi olacaq.
60 kiloqramadək çəki dərəcəsində isə Firdovsi Fərzəliyev bürünc medal uğrunda indoneziyalı idmançı Suryadi Suryadi ilə mübarizə aparacaq.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.
Milli.Az
Digər maraqlı xəbərlər Milli.Az-ın Facebook səhifəsində
