Bakı. Elçin Mehdiyev - Trend:
Bu gün IV Həmrəyliyi Oyunları çərçivəsində cüdo yarışlarının ikinci gününə start verilib.
Trend-in məlumatına görə, 78 kq çəki dərəcəsində Azərbaycanın qadın cüdoçusu İrina Kindzerska ilk görüşünü keçirib. Onun rəqibi Toqo idmançısı Koro Essohaman olub. Təmsilçimiz ilk görüşdə rəqibini ipponla məğlub edib.
Növbəti rəqibini də məğlub edərsə, idmançımız finala vəsiqə qazanacaq.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.
