Bakı. Elçin Mehdiyev - Trend:
Azərbaycan cüdoçusu Elxan Məmmədov (100 kq-a qədər) IV İslam Həmrəyliyi Oyunları çərçivəsində ikinci qələbəsini qazanıb.
Trend-in məlumatına görə, cüdoçumuz ikinci görüşündə Özbəkistan təmsilçisi Viktor Demyanenko ilə qarşılaşıb. Cüdoçumuz rəqibini məğlub edərək finala vəsiqə qazanıb.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.