Bu gün Bakıda Milli Gimnastika Arenasında IV İslam Həmrəyliyi Oyunlarında idman gimnastikası yarışlarının komanda hesabında qaliblərinin mükafatlandırılması mərasimi keçirilib.
Milli.Az-ın Trend-ə istinadən məlumatına görə, mərasimdə medalları kişilərdən ibarət komandalara Beynəlxalq Gimnastika Federasiyasının (FIG) prezidenti Morinari Vatanabe, qadınlardan ibarət komandalara isə Azərbaycan Gimnastika Federasiyasının vitse-prezidenti Altay Həsənov təqdim edib.
Xatırladaq ki, IV İslam Həmrəyliyi Oyunlarında Azərbaycanın qadınlardan ibarət yığması qızıl, kişilərdən ibarət komandası isə gümüş medal qazanıb.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.
Milli.Az
Digər maraqlı xəbərlər Milli.Az-ın Facebook səhifəsində