Bakı. Azad Həsənli - Trend:
"Biz gəlmişik bütün müsəlman dünyasına deyək ki, Azərbaycan karatedə təsadüfi qonaq deyil". Trend-in məlumatına görə, bunu Azərbaycanın karate üzrə milli yığmasının məşqçisi Vahid Ayvazov deyib.
Məşqçi deyib: "Bu gün qızıl medal qazanmağı və bütün Azərbaycanı sevindirməyi çox istəyirik. Əgər Roma Heydərov qələbə qazansa, bu, İslam Oyunları tarixində karate-kata üzrə bizim ölkənin qazandığı ilk qızıl medal olacaq".
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.
