İranın idman gimnastı Saedrza Keixa Bakıda İslam Həmrəyliyi Oyunları çərçivəsində keçirilən yarışlarda idman atında hərəkətlərdə yeni element təqdim edib.
Publika.az-ın Trend-ə istinadən məlumatına görə, idmançı özü bu barədə məlumat verib və həmin elementi uğurla təqdim etdiyi üçün sevindiyini bildirib.
İranlı gimnast İslamiadadakı çıxışından razı qaldığını da vurğulayıb: "Burada İslam Oyunlarında çıxış etməkdən böyük zövq aldım".
İdmançı Bakıda Milli Gimnastika Arenasında zalın çox gözəl olduğunu və burada çıxış etməyin çox rahat olduğunu da vurğulayıb.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.