Ötən gecə Tallinin Nımme rayonunda Estoniya müdafiə naziri Marqus Tsaxknanın evində yanğın olub.
Metbuat.az bildirir ki, bu barədə “Postimees” qəzeti məlumat yayıb.
İlk olaraq isə müdafiə nazirinin qonşusu evin hava istilik nasosunda və divarın üzlüyündə yanğını görüb, dərhal M. Tsaxkna və ailə üzvlərini yuxudan oyadıb, yanğınsöndürənlərə zəng açıb. Yanğınsöndürənlərə evdə yanğın olması barədə məlumat yerli vaxtla saat 4.45 radələrində daxil olub. Xilasedicilər hadisə yerinə çatan zaman evin damına keçmiş yanğını söndürmək üçün dam sökülüb. Yanğın zamanı müdafiə naziri və ailə üzvləri xəsarət almayıb.
M. Tsaxkna “Facebook” sosial şəbəkəsindəki səhifəsində yanğın barədə onları dərhal məlumatlandıran qonşusuna və yanğınsöndürənlərə minnətdarlığını bildirib. // APA
