Bu gün “Milan”dan “Atletiko”ya keçən Fernando Torresin Madrid klubunda geyinəcəyi 19 nömrəli forması satışa çıxarılıb.
İspaniya təmsilçisi ilk gündə “Land of fire Azerbaijan”lı formadan qazanc əldə edib.
Belə ki, azarkeşlər 30 yaşlı hücumçunun 2 min futbolkasını alıb. Bu isə “Atletiko”nun tarixində rekord həddə çatıb. Torresin saatda 222 forması satılıb.
Qeyd edək ki, bu gün keçiriləcək İspaniya kubokunun 1/8 final mərhələsinin “Real”la ilk oyununda Fernando Torresin meydana çıxması gözlənilir.