Azərbaycanın bədii gimnastı Marina Durunda Bakı-2017 IV İslam Həmrəyliyi Oyunlarında halqa ilə hərəkətlərin yekunu üzrə qızıl medal qazanıb.
Milli.Az Trend-ə istinadən bildirir ki, M.Durunda finalda 17.600 bal toplamaqla bütün rəqiblərini geridə qoyub.
Daha bir Azərbaycan gimnastı Jalə Piriyeva bürünc medala sahib çıxıb - 16.050 bal.
Gümüş medala isə özbəkistanlı Anastasiya Serdyukova yiyələnib.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.
Milli.Az
Digər maraqlı xəbərlər Milli.Az-ın Facebook səhifəsində