Bakı. Vüqar İmanov - Trend:
Bakıdakı IV İslam Həmrəyliyi Oyunlarında qazandığım gümüş medal ilk beynəlxalq mükafatımdır.
Bunu Trend-ə paracüdo üzrə 70 kq çəki dərəcəsində gümüş medal qazanmış azərbaycanlı paracüdoçu Turanə Ağayeva deyib.
O deyib: “Mən ilk beynəlxalq mükafatımı qazandığım üçün çox şadam. Bu, mənim üçün ikiqat dəyərlidir, çünki doğma meydanda qazanılıb. Qızıl üçün mənim təcrübəm çatmadı, amma hələ 21 yaşım var, hələ hər şey qabaqdadır”.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.
