Bakı. Vüqar İmanov - Trend:
Bakıdakı IV İslam Həmrəyliyi Oyunlarında uğurlu çıxışdan sonra hədəfim 2020-ci il Tokio Olimpiadasına vəsiqə qazanmaqdır.
Bunu Trend-ə karate (kumite) yarışlarında 55 kq çəki dərəcəsində gümüş medal qazanmış azərbaycanlı idmançı İlahə Qasımova deyib.
O deyib: “Mən öz Vətənimdə həmişə yaxşı çıxış edirəm. 2015-ci ildə birinci Avropa oyunlarında bürünc medal, bu dəfə isə gümüş medal qazanmışam. Mən qızıl medal da qazana bilərdim. Çünki görüş heç-heçə başa çatdı, lakin hakimlər qələbəni misirli karateçi Yassmin Attiyaya verdi”.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.