Bakı. Elçin Mehdiyev – Trend:
Azərbaycan paracüdoçusu Natiq Talibov (73 kq) IV İslam Həmrəyliyi Oyunlarında ölkəmizə daha bir bürünc medal qazandırıb.
Trend-in məlumatına görə, bürünc medal uğrunda gedən mübarizədə paracüdoçumuzun rəqibi Türkiyə təmsilçisi Aydın Sərdar olub. Cüdoçumuz rəqibini ipponla məğlub edərək bürünc medala sahib olub.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.