Bakı. Elçin Mehdiyev – Trend:
Azərbaycan paracüdoçusu Rövşən Səfərov (90 kq) IV İslam Həmrəyliyi Oyunlarında ölkəmizə daha bir bürünc medal qazandırıb.
Trend-in məlumatına görə, bürünc medal uğrunda gedən mübarizədə R.Səfərovun rəqibi digər Azərbaycan təmsilçisi Tofiq Məmmədov olub.
R.Səfərov T.Məmmədova ipponla qalib gələrək bürünc medal qazanıb.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.
