Bakı. Trend:
BMT Təhlükəsizlik Şurası Koreya Xalq Demokratik Respublikasının (KXDR) növbəti raket sınağı ilə bağlı fövqəladə iclas keçirəcək.
Trend-in "RİA Novosti"yə istinadən verdiyi məlumata görə, bu barədə Uruqvayın BMT yanında daimi nümayəndəliyi məlumat yayıb. Uruqvay Şuranın may ayında sədridir.
Məlumata əsasən, iclas may ayının 16-na planlaşdırılıb.
Qeyd edək ki, mayın 13-dən 14-nə keçən gecə Şimali Koreya növbəti raketin sınağını keçirib. Raketin uçuş məsafəsi 800 kilometr təşkil edib.