Bakı. Elçin Mehdiyev - Trend:
Bu gün IV İslam Həmrəyliyi Oyunlarında cüdo yarışlarının üçüncü gününə start verilib. Trend-in məlumatına görə, yarışların üçüncü günündə kişilər və qadınlar arasında komanda yarışları keçirilir.
İslam Həmrəyliyi Oyunlarında komanda yarışlarında kişilərin mübarizəsində ölkəmizi 7, qadınların yarışlarında 3 idmançı təmsil edir.
IV İslam Həmrəyliyi Oyunlarının cüdo yarışlarında milli komandamız ümumilikdə 9 kişi və 10 qadın cüdoçu ilə təmsil olunur.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.
