Bakı. Elçin Mehdiyev – Trend:
Bakıda keçirilən IV İslam Həmrəyliyi Oyunlarında qadın cüdoçularımız komanda yarışında finala yüksəlib.
Trend-in məlumatına görə, yarımfinalda rəqib komanda tatami üzərinə çıxmadığından yığmamız birbaşa finala vəsiqə qazanıb.
Finalda qadın cüdoçularımız Türkiyə millisi ilə qarşılaşacaq.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.
