Bakı. Samir Əli - Trend:
Yarışda özümə çox arxayın idim. Qalib gəlməyimin bir səbəbi də yarışların Bakıda keçirilməsi oldu.
Trend-in məlumatına görə, bunu jurnalistlərə Bakı-2017 İslam Həmrəyliyi Oyunlarında karate üzrə yarışlarda qızıl medal qazanmış idmançımız Roman Heydərov deyib.
O bildirib ki, azarkeş dəstəyindən yaxşı ruhlandırıcı heç nə ola bilməz:
"Azarkeşlərə güvənib döyüşdüm və qalib oldum. Qarşıda Gənclər arasında dünya çempionatı keçiriləcək. Orada da iştirak edəcəyəm və 2020-ci il Olimpiya Cempionatına hazırlaşacağam".
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.
