Bakı. 15 may. REPORT.AZ/ Dövlət Miqrasiya Xidməti Şəki regional miqrasiya idarəsinin xidmət ərazisinə aid olan Zaqatalada əcnəbi və vətəndaşlığı olmayan şəxslər üçün səyyar xidmət təşkil edib.
Qurumdan "Report"a verilən məlumata görə, səyyar xidmətin imkanlarından müraciət edən 52 şəxs istifadə edib. Onlardan 21 nəfərinə Azərbaycan ərazisində müvəqqəti, həmçinin daimi yaşamaq üçün icazə vəsiqələri, 13 nəfərinə vətəndaşlıq mənsubiyyətinin müəyyən olunması ilə bağlı arayış verilib. Azərbaycan Respublikasının vətəndaşlıq mənsubiyyətinin müəyyən olunması üçün 6, əcnəbi və ya vətəndaşlığı olmayan 2 şəxsdən müvəqqəti yaşama icazəsinin verilməsi ilə bağlı sənəd qəbul olunub. On şəxsə isə DMX-nin funksiyalarına aid olan xidmətlərlə bağlı qanunvericiliklə tələb olunan sənədlərin siyahısı verilib.
