Tiflis filarmoniyasında ölkə konstitusiyasında dəyişikliklər ilə bağlı keçirilən iclasda insident baş verib.
Milli.Az APA-ya istinadən xəbər verir ki, bir qrup kommunist gənc Gürcüstan parlamentinin sədri İrakli Kobaxidzeni tədbiri açmasına mane olub, onu qışqırıq və səs-küylə qarşılayıb.
Parlament sədri belə vəziyyətdə müzakirələrin aparılmasını təxribat adlandırıb və bu formatda görüşün keçirilməsini qeyri-mümkün hesab edib.
İrakli Kobaxidzenin sözlərinə görə, Gürcüstanda gənc kommunistlərə yer yoxdur: "Çavçavadze ölkəsində kommunistlərə yer yoxdur. Mən sizi İlya Çavçavadze - maarif yolunda durmağı arzulayıram. Gürcüstanda heç vaxt kommunistlərə yer olmayacaq".
Milli.Az
