"Malaga"nın müdafiəçisi Martin Demiçelis mövsümün sonunda karyerasını başa vurmaq fikrindədir.
Milli.Az goal.az-a istinadən xəbər verir ki, 36 yaşlı futbolçu bu mövsüm cəmi 12 oyunda meydana çıxa bilib və yadda qalan fəaliyyəti olmayıb. Demiçelis karerası ərzində "River Plate", "Bayern Munich", "Atletico Madrid", "Espanyol" və "Manchester City"də forma geyib. O, əsas uğurlarını "Bavariya"nın heyətində qazanıb. Münhen klubunun heyətində 4 dəfə Bundesliqanın qalibi olmaqla 4 dəfə də Almaniya kubokunu başı üzərinə qaldırıb. Argentina millisi ilə 2014 mundialının gümüş mükafatçısı olub.
Milli.Az
