Bakı. 15 may. REPORT.AZ/ ABŞ-ın Nyu-Cersi ştatının Teterboro hava limanı yaxınlığında eniş zamanı kiçik təyyarə qəzaya uğrayıb.
"Report" TASS-a istinadən xəbər verir ki, bu barədə NBC telekanalı məlumat yayıb.
Bildirilir ki, Filadelfiyadan gələn "Learjet 35" tipli təyyarə (8 nəfərə qədər sərnişin tutumlu) enmə zolağının 400 metrliyində yaşayış evlərinin olduğu əraziyə düşüb. Nəticədə bir neçə ev yanıb.
Təyyarənin göyərtəsində neçə nəfərin olduğu dəqiqləşdirilir. Əraziyə yanğınsöndürənlər cəlb olunub.
