Bakl. Trend:
Ümumiyyətlə, mən İslam Həmrəyliyi Oyunlarında Azərbaycan gimnastlarının çıxışlarından çox razıyam.
Trend-in məlumatına görə, bunu jurnalistlərə idman gimnastikası üzrə Azərbaycan yığmasının baş məşqçisi Rza Əliyev bildirib.
Baş məşqçinin sözlərinə görə, birinci və ikinci günlər bir qədər uğursuz olub: "Çox yıxılmalar oldu. Amma bu gün bizim gimnastlar özlərini toparlayıb və ləyaqətlə çıxış etdilər. Təəssüf ki, Murad Ağarzayevin tullanışı alınmadı. Qalan beş alətdə isə gimnastlar planlaşdırılanı etdilər. Mən onların çıxışından çox razıyam".
Azərbaycanlı gimnast Timur Bayramovun çıxışı barədə danışan baş məşqçi bildirib ki, əvvəlcə onu yığmaya salmaq planlaşdırılmırdı: "Amma o yoxlama məşqlərdə özünü yaxşı göstərdi. Biz onu milli komandanın tərkibinə qatdıq və o tirlərdə bürünc medal qazandı".
