Bakı. Elçin Mehdiyev – Trend:
Bu gün IV İslam Həmrəyliyi Oyunları çərçivəsində keçirilən taekvando yarışlarına daha bir idmançımız qələbə ilə başladı.
Trend-in məlumatına görə, kişilər arasında yarışa səkkizdəbir finalda başlayacaq milli komandamızın üzvü Qaşım Maqomedov (54 kq) Pakistan təmsilçisi Umar İqballa qarşılaşıb.
Görüş 26:6 hesabı ilə idmançımızın xeyrinə başa çatıb.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.
