Bakı. 16 may. REPORT.AZ/ Rusiya ona qarşı tətbiq olunan sanksiyalara baxmayaraq, ABŞ dövlət istiqrazlarına investisiyalarını mart ayında 13,5 mlrd. ABŞ dolları və ya 15,6% artıraraq 99,8 mlrd. dollara çatdırıb.
"Report"un "RİA" agentliyinə istinadən verdiyi xəbərə görə, bu məlumat ABŞ Maliyyə Nazirliyi tərəfindən verilib. Bununla da Rusiya ABŞ dövlət istiqrazlarına sahib olan dövlətlər arasında 15-ci sırada yer alıb.
Qeyd edək ki, ən çox ABŞ istiqrazlarına sahib olan ölkə Yaponiya (1,118 trln. dollar), ikinci isə Çindir (1,087 trln. dollar).
