İtaliya alimləri aşkar ediblər ki, pomidor ekstraktı mədə xərçəngi zamanı xərçəng hüceyrələrinin inkişafının və çoxalmasının qarşısını almaq qabiliyətə malikdir.
Milli.Az saglamolun.az-a istinadən bildirir ki, mədə xərçəngi bütün dünyada ən yayılmış xərçəng növüdür.
Bundan əvvəl aparılmış elmi araşdırmalar pomidorun xərçəng əleyhinə təsirini sübut edib. Lakin belə hesab olunurdu ki, bu təsirə pomidorların tərkibində olan nadir maddə "likopin" cavabdehdir. Son araşdırma isə tam şəkildə pomidorun xərçəng əleyhinə təsirini sübut edib.
Eksperiment zamanı "San-Marsano" və "Korbarino" pomidor sortlarından hazırlanmış ekstrakt xərçəng hüceyrələrinin orqanizm boyu yayılmasına mane olub. Həmçinin pomidor ekstraktı təsirindən xərçəng hüceyrələri inkişaf etmirdi və məhv olurdu.
Alimlərin fikrinə görə, araşdırmanın nəticələri xərçəngi müalicə etmək üçün yeni metodikaların axtarışında kömək edəcək.
Milli.Az
Digər maraqlı xəbərlər Milli.Az-ın Facebook səhifəsində
