İngiltərə Premyer Liqasında 34-cü turdan təxirə salınmış oyunda "Mançester Siti" "Vest Bromviç"i qəbul edib.
Metbuat.az-ın məlumatına görə, görüşdə hesab 27-ci dəqiqədə açılıb. Ev sahiblərinin heyətində Qabriel Jezuş fərqlənib. Cəmi iki dəqiqə sonra Kevin de Bröyne fərqi artırıb. İkinci hissədə Yaya Ture komandasının üçüncü qoluna imza atıb. Matçın sonlarında fərqlənən Robson-Kanu isə yekun hesabı müəyyənləşdirib - 3:1.
İngiltərə Premyer Liqası
34-cü tur
"Mançester Siti" - "Vest Bromviç" - 3:1
Qollar: Jezuş, 27, De Bröyne, 29, Ture, 57 - Robson-Kanu, 87
Qələbə sayəsində xallarının sayını 75-ə çatdıran "Mançester Siti" turnir cədvəlinin üçüncü pilləsində qərarlaşıb.
