Bakı. Trend:
Xırdalan şəhərində vətəndaşa məxsus sexdə yanğın olub.
Fövqəladə Hallar Nazirliyindən Trend-ə verilən məlumata görə, Abşeron rayonu, Xırdalan şəhərində vətəndaşa məxsus bir dam altında tikilmiş ümumi sahəsi 140 m² olan daş pilitələr hazırlanan sexin yanar konstruksiyaları və içərisində olan avadanlıqlar 80 m² sahədə yanıb.
Bitişik anbar və yaxınlıqdakı tikililər yanğından mühafizə olunub. Yanğın saat 09:31-də yanğınsöndürənlər tərəfindən söndürülüb.
