Bakı. Elçin Mehdiyev – Trend:
Azərbaycanın yunan-Roma güləşçisi Murad Məmmədov (59 kq) IV İslam Həmrəyliyi Oyunlarında yarımfinal görüşünü keçirib.
Trend-in məlumatına görə, final uğrunda mübarizədə güləşçimiz Qırğızıstan təmsilçisi Zolçubekov Kanybek ilə qarşılaşıb. Gərgin keçən mübarizədə Murad Məmmədov rəqibinə 5:3 hesabı ilə məğlub olaraq finala vəsiqə qazanmaq şansını itirib.
Daha sonra güləşçimiz bürünc medal uğrunda mübarizə aparacaq.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.