Rafael Ağayev "Yuventus"dan dəvət aldı

Rafael Ağayev "Yuventus"dan dəvət aldı
11:38 17 May 2017
78 İdman
Ölkə mətbuatı
A- A+

"Bakı 2017" IV İslam Həmrəyliyi Oyunlarında qızıl medal qazanan Azərbaycan karateçisi Rafael Ağayev İtaliyanın "Yuventus" klubundan dəvət alıb.

Bu barədə 32 yaşlı idmançının özü açıqlama verib. O bildirib ki, Rusiyanın paytaxtı Moskvada yaşayan köməkçisi İtaliya təmsilçisi ilə əlaqə saxlayaraq, onun barəsində danışıb: "İngilis dilini bilmədiyim üçün bəzi işləri köməkçimə həvalə etmişəm. O, "Yuventus"un direktoruna bu klubun azarkeşi olduğumu söyləyib. Klub da məni İtaliyaya dəvət edib. Yaxın zamanda ora yollanaraq, formamı "Yuventus"a hədiyyə edəcəyəm. Muzeyləri ilə tanış olub, turistlərlə şəkil çəkdirəcəyəm".

"19 yaşım olanda karateni atıb, futbola keçmək istəyirdim. Sonradan fikrimi dəyişdim" deyə R.Ağayev əlavə edib.

Qeyd edək ki, Rafael Ağayev 5 qat dünya və 10 qat Avropa çempionudur. (report)


Xəbərin orijinal ünvanı: http://publika.az/news/idman/199114.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR