Bakı. 17 may. REPORT.AZ/ Tehranda mikroavtobusun yanması nəticəsində 1 qadın, 3 kişi ölüb.
“Report” TASS-a istinadən xəbər verir ki, hadisə səhər saatlarında İran paytaxtının cənub-şərqində Səidi avtomobil şosesində olub.
Yanğın baş verən zaman sərnişinlər maşını tərk edə bilməyib və nəticədə yanıq xəsarətlərindən ölüblər.
Mikroavtobusun sürücüsü isə ağır vəziyyətdə xəstəxanaya yerləşdirilib.
Hadisənin başvermə səbəbi araşdırılır.
